Loading…

Gjendet një person i vdekur në Mitrovicë

  • 24/02/2019 | 22:58

Gjendet një person i vdekur në Mitrovicë

Një person është gjetur i vdekur te tuneli në Mitrovicë.

KALLXO.com mëson se trupi i pajetë është i babait të Ermal Kamberajt.

Ky i fundit është vrarë dy vite më parë në një lokal në Mitrovicë.

Lajmin  e ka konfirmuar edhe drejtoresha e Policisë në Rajonin e Mitrovicës, Afërdita Mikullovci.

“Rreth orës 20:20 është pranuar informata se një person është gjetur i shtrirë në tokë në afërsi të tunelit në Mitrovicë. Viktima është diku rreth 64 vjeçar”, tha Mikullovci.

Ajo konfirmoi se fjala është për babanë e Ermalit të ndjerë.

Sipas drejtoreshës Mikullovci, rasti po trajtohet si vdekje e dyshimtë.

Trupi i të ndjerit është dërguar për obduksion.

“Shenjat e para janë se i njëjti ka pësuar vdekje natyrale”, tha Mikullovci.

Në maj të vitit 2017 ishte vrarë Ermal Kamberaj në lokalin ku ai ishte menaxher.

Ndërsa, në dhjetor 2018 nga Belgjika është ekstraduar në Kosovë i dyshuari për vrasjen e Ermalit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë