Loading…

Gjermania do të fusë në kampe refugjatësh dhe qendra riedukimi ata që thyejnë karantinën

  • 19/01/2021 | 13:25

Gjermania do të fusë në kampe refugjatësh dhe qendra riedukimi ata që thyejnë karantinën

Gjermanët që thyejnë rregullat e karantinës do të izolohen nëpër spitale dhe kampe refugjatësh. Nisma konsiderohet e nevojshme nga autoritetet për të frenuar numrin e rasteve dhe viktimave nga koronavirusi.


Më shumë se 2 milionë persona raportohet të jenë konfirmuar me Covid-19 që nga nisja e pandemisë në vend, ndërsa numri i viktimave është 46 633.

Saksonia ka konfirmuar planet për të futur shkelësit e karantinës në një seksion më vete të një kampi refugjatësh, që pritet të ndërtohet javën e ardhshme. Zyrtarë të landit thanë se kjo do të bëhet vetëm për personat që do të jenë shkelës të përsëritur të rregullave të karantinës.

Ndërsa në landin jugperëndimor, Baden-Württemberg, do të përdoren spitalet për të izoluar shkelësit, nën ruajtjen e policisë. Në Brandenburg, autoritetet do të fusin shkelësit në qendrat e refugjatëve, ndërsa në landin Schleswig-Holstein në qendrat e riedukimit të të miturve.

Ekspertë ligjorë thanë për gazetën gjermane “Die Welt” se qeveritë lokale të landeve kanë fuqi për ta bërë këtë gjë, bazuar në Aktin e Mbrojtjes nga Sëmundjet, miratuar fillimisht në mars dhe rinovuar në nëntor nga Bundestagu.

Plani është kritikuar nga partia opozitare Alternative fur Deutschland, deputetja e saj Joana Coatar, akuzoi qeverinë e Saksonisë se ka lexuar më shpesh sesa duhet librin e George Orwell, “1984”.

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë