Loading…

Gjest i rrallë: Kisha hap dyert për besimtarët myslimanë, shtron iftar

  • 03/05/2021 | 18:46

Gjest i rrallë: Kisha hap dyert për besimtarët myslimanë, shtron iftar

Me kufizimet e COVID-19 që ndalojnë popullatën islame të Barcelonës të festojë Ramazanin në vende të mbyllura, një kishë katolike ka ofruar ambientet e saj të hapura që myslimanët të hanë dhe të luten së bashku për iftar.


Çdo mbrëmje rreth 50 deri në 60 myslimanë, shumë prej tyre të pastrehë, shkojnë në kishën e Santa Annas, ku vullnetarët iu ofrojnë një vakt të bollshëm.

“Ne jemi të gjithë njëlloj, nuk ka asnjë problem. Ne jemi të gjithë vëllezër, i respektojmë ata dhe ata na respektojnë ne”, tha Hafid Oubrahim, një 27-vjeçar nga Maroku.

Faouzia Chati, presidente e Shoqatës Katalanase të Grave Marokene, dikur i organizonte darkat e iftarit në qytet, por kufizimet e ngrënies në ambiente të mbyllura e detyruan atë të kërkonte një hapësirë ​​alternative me ajrosje të mirë dhe hapësirë ​​për distancim. Chati gjeti mbështetje dhe një derë të hapur tek At Peio Sanchez, drejtues i Kishës, i cili e pranoi menjëherë propozimin.

“Njerëzit janë shumë të lumtur që myslimanët mund të shkojnë për iftar në një kishë katolike, sepse fetë shërbejnë për të na bashkuar, jo për të na ndarë”, tha Chati.

“Edhe pse me kultura të ndryshme, gjuhë të ndryshme, fe të ndryshme, ne jemi më të aftë të ulemi dhe të flasim sesa disa politikanë”, tha prifti.

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë