Gjesti i kampionit, Vozinha rrëfen bisedën prekëse me Messi: Populli yt duhet të jetë krenar për ty

Kapiteni i Argjentinës, Lionel Messi, ka treguar edhe një herë anën e tij njerëzore, duke emocionuar portierin e Kepit të Gjelbër, Vozinha, pas përfundimit të ndeshjes.

Në një rrëfim të publikuar nga gazetari Fabrizio Romano, Vozinha zbuloi se Messi iu afrua menjëherë pas takimit dhe e përgëzoi për paraqitjen e tij.

“Messi erdhi tek unë pas ndeshjes, më përqafoi dhe më tha: ‘Ti je i shkëlqyer. Populli yt duhet të jetë krenar për ty.’ Ishte një moment i jashtëzakonshëm për mua”, tha Vozinha.

Portieri shtoi se fjalët e një legjende si Messi kishin një domethënie të veçantë.