Loading…

Gjini: Sivjet dhe në fillim të vitit të ardhshëm ta kemi një marrëveshje sa më të mirë për Kosovën

  • 24/10/2022 | 23:56

Gjini: Sivjet dhe në fillim të vitit të ardhshëm ta kemi një marrëveshje sa më të mirë për Kosovën

Nënkryetari i Aleancës për Ardhmërinë e Kosovës, Ardian Gjini thotë se institucionet duhet insistuar që muajt e ardhshëm, eventualisht në fillimin e vitit 2023 të ketë një marrëveshje finale me Serbinë.


I ftuar në “Respublika” në tëvë1, ai thotë se kjo duhet të jetë sa më e mirë për Kosovën, por edhe ta ketë mbështetjen e duhur edhe nga partitë politike dhe nga qytetarët.

“Ajo që kërkojmë që Kosova me inisistu seriozisht në këtë periudhë, muajt, jo vitet që vijnë. Sivjet dhe në fillim të vitit të ardhshëm më së largu ta kemi një marrëveshje sa më të mirë për Kosovën me sa më shumë mbështetje politike e popullore në Kosovë. Për këtë nevojiten sa më shumë shpjegime nuk guxojmë me u befasu as politika, as qytetarët duhet me ditë cili është procesi me bë maksimumin që mundemi si Kosovë, jemi në opozitë nuk na takon pjesa më e madhe barrës i takon Qeverisë, por aq sa mundemi do të jemi në mbështetje të këtij procesi”, tha ai.

Madje, Gjini theksoi se tashmë dialogu me Serbinë është në një fazë kritike, teksa shton se duhet shfrytëzuar momentumi i angazhimit të bashkësisë ndërkombëtare në këtë proces.

“Absolutisht po domethënë jemi në një fazë mund ta quaj kritike të cilën ne besojmë si AAK që Kosova duhet me shfrytëzu këtë moment tash me bë pak avokatin e djallit, Kosova edhe mundet mos me shfrytëzu këtë rast mos me qenë proaktive, por bindja jonë është pavarësisht ka mendojnë tjerët që mundemi me humb një momentum që vjen rrallë një angazhim të tillë ndërkombëtar për një marrëveshje të mundshme me Serrbinë. Tash cila do të jetë marrëveshja nuk do të varet prej Kosovës as prej Kurtit ose kujtdo tjetër sepse e kemi edhe një palë tjetër e cila është në proces, SHBA dhe BE”, shtoi ai.

Kurse, sa i përket takimit me kryeministrin, Albin Kurti, ai tregon se së bashku me kreun e AAK-së, Ramush Haradinaj kishin një takim korrekt.

Ai thotë se kanë shumë mospajtime rreth disa çështje, por që për interesin nacional “nuk abstenojnë”.

“Takimi ka qenë shumë korrekt biseda ka qenë korrekte definitivisht nuk pajtohemi për çdo gjë, mirëpo e kemi thënë e shumë prej nesh që ne si AAK nuk abstenojmë në këto procese nuk kemi abstenuar as tani dhe është me rëndësi për ne sepe e dimë se është me rëndësi për Kosovën me pasë marrëveshje të favorshme proces që e çon Kosovën përpara”, shtoi ai.

Po ashtu, Gjini ka treguar edhe temat që i kanë diskutuar në takim me Kurtin e kryenegociatorin në dialog, Besnik Bislimin.

“Kemi diskutuar për të gjitha rrethanat rreth dialogut jo për diçka tjetër ne edhe për shumë ide dhe opsione që qarkullojnë gjysmë ose jozyrtare sepse ende s’ka zyrtare. E vërteta për draft-statutin për Asociacionin s’kemi diskutuar atë ditë për propozimet e mundshme që do të vijnë ose mund të vijnë e që kanë të bëjnë me marrëveshjen përfundimtare me Sebrinë. Kjo ka qenë ajo çka kemi biseduar, ne nuk pajtohemi për gjithçka por biseda ishte korrekte mes Haradinaj dhe Kurtit në suaza të asaj për çka kemi shkuar me biseduar”, tha ai.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë