Gjykata e Ferizajt dha 47 vjet burgim për terrorizëm

Bashkim Hyseni, kryetar i Gjykatës Themelore në Ferizaj, në konferencën e fundvitit ka thënë se statistikat tregojnë për një përparim në zgjidhjen e lëndëve nga ky institucion, e sidomos në ato penale.

“Katër lendë i kemi të terrorizmit, 3 të përfunduara dhe janë shqiptuar 47 vjet e 7 muaj burgim për këto vepra penale, që është një prioritet i yni”, ka thënë ai.

Hyseni tutje ka treguar se 35 lëndë të korrupsionit po ashtu janë përfunduar këtë vit. Përkthyer në përqindje, sipas tij, i bie që 95% janë kryer, kjo sepse të papërfunduar janë vetëm 7 lëndë.