‘Gjykata foli’, avokati i familjes Ademaj: Do ta apelojmë dënimin ndaj Kokallës

Avokati i familjes Ademaj, Leotrim Syla, ka deklaruar se drejtësia kosovare ka dhënë fjalën e saj me dënimin me burgim të përjetshëm ndaj Naim Murselit dhe Granit Plavës, shkruan Gazeta Metro.

Ai bëri të ditur se dënimi prej 30 vjetësh ndaj Kushtrim Kokallës do të apelohet në Gjykatën e Apelit.

“Burgimi prej 30 vjetësh do ta apelojmë në Apel. Sido që të jetë ka qenë një proces i ngarkuar. Duhet të jemi të matur dhe t’i respektojmë vendimet e gjykatës ne do ti ushtrojmë mjetet ligjore që kemi në dispozicion. Falënderojmë të gjithë për mbështetjen. Sot edhe familjes ju ka lehtësua dhimbja”, ka thënë avokati.

Gjykata Themelore në Prishtinë të martën më 21 prill vendosi për burgim të përjetshëm për Naim Murselin dhe Granit Plavën, dhe 30 vjet heqje lirie për Kushtrim Kokallën, duke u mbështetur në se vrasja është organizuar dhe kryer në mënyrë të planifikuar dhe në prani të fëmijëve./gazetametro.net