Loading…

Gjykata lëshon urdhëresë për sjellje me detyrim ndaj ish-deputetit Ismajl Kurteshi

  • 15/11/2021 | 15:23

Gjykata lëshon urdhëresë për sjellje me detyrim ndaj ish-deputetit Ismajl Kurteshi

Për shkak se ish-deputeti Ismajl Kurteshi nuk e ka arsyetuar mungesën në seancën e paraparë për të hënën, ndaj tij Gjykata Themelore në Prishtinë ka lëshuar urdhëresë për sjellje me detyrim.


Kurteshi së bashku me ish-deputetin Haxhi Shala po akuzohen për hedhjen e gazit lotsjellës në Kuvend, raporton “Betimi për Drejtësi”.

Gjykatësi Eroll Gashi bëri të ditur se i akuzuari Kurteshi ka qenë i ftuar përmes procesverbalit të kaluar për seancën e sotme, por i njëjti nuk e ka arsyetuar mungesën.

Avokati Rrahim Ajeti, i cili zëvendëson me autorizim mbrojtësen e Kurteshit, avokaten Teuta Zhinipotoku, ka thënë se i mbrojturi i tij nuk mund të paraqitet në këtë seancë, por se nuk i din saktë arsyet.

Në këto rrethana, gjykatësi Gashi tha se ndaj të akuzuarit Ismajl Kurteshi lëshohet urdhëresë për sjellje me detyrim.

Seanca e radhës u caktua për 26 nëntor.

Fillon seanca ndaj ish-deputetëve të akuzuar për gazin lotsjellës

Prishtinë – Në Gjykatën Themelore në Prishtinë ka filluar seanca gjyqësore në rastin ndaj ish-deputetëve Haxhi Shala dhe Ismajl Kurteshi, të akuzuar për hedhjen e gazit lotsjellës në Kuvend.Të ngjajshme

Ndryshe, ky rast ka qenë duke u gjykuar në Departamentin e Krimeve të Rënda, por tani lënda ka kaluar për gjykim në Departamentin e Përgjithshëm, tek gjykatësi Eroll Gashi.

Sipas aktakuzës së ushtruar më 8 janar 2016, Ismajl Kurteshi dhe Haxhi Shala po akuzohen se më 30 nëntor 2015, rreth orës 11:00, në sallën e Seancave Plenare në Kuvendin e Republikës së Kosovës në Prishtinë, me qëllim të ndërprerjes së punimeve të seancës, kanë hedhur gazin lotsjellës, të cilën e posedonin pa autorizim.

Sipas aktakuzës, derisa Kryetari i Parlamentit ishte duke i njoftuar deputetët me rendin e ditës, të akuzuarit Kurteshi dhe Shala e kishin aktivizuar gazin lotsjellës.

Për këto veprime, Ismajl Kurteshi dhe Haxhi Shala po akuzohen se kanë kryer veprën penale “Përdorimi i armës apo mjetit të rrezikshme” nga neni 375 par.1 të Kodit Penal.

Kurteshi dhe Shala po akuzohen edhe se kishin penguar personat zyrtarë në kryerjen e detyrave zyrtare, përkatësisht pjesëtarët e Policisë dhe deputetët e Kuvendit të Republikës së Kosovës.

Një gjë të tillë, Haxhi Shala akuzohet se e ka bërë në cilësinë e deputetit nga radhët e Nismës për Kosovën, ashtu që me disa deputetë të tjerë janë munduar që ta pamundësojnë shoqërimin në Polici të deputetit Albin Kurti nga pjesëtarët e Policisë së Kosovës si dhe kishte hedhur gaz lotsjellës duke pamundësuar mbajtjen e seancës plenare.

Kurse, Kurteshi akuzohet se në seancën e 30 nëntorit 2015, kishte hedhur gaz lotsjellës në sallën e Kuvendit duke pamundësuar mbajtjen e seancës.

Për këto veprime, Kurteshi dhe Shala akuzohen edhe për veprën penale “Pengimi i personit zyrtarë në kryerjen e detyrave zyrtare” nga neni 409 par.1 lidhur me nenin 81 të Kodit Penal.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë