Goditet për vdekje nga vetura, këmbësori humb jetën në Veternik

Një person ka vdekur pas një aksidenti të rëndë trafiku që ka ndodhur të mërkurën në rrugën Ferizaj-Prishtinë, në zonën e Veternikut, shkruan Gazeta Metro.

Ngjarja ka ndodhur rreth orës 15:30, ndërsa në të janë përfshirë një veturë dhe një këmbësor. Zëdhënësja e Policisë së Kosovës për Rajonin e Prishtinës, Flora Ahmeti, ka konfirmuar rastin për Gazeta Metro, duke bërë të ditur se viktima nuk ka arritur t’u mbijetojë plagëve të marra.

“Sot rreth orës 15:30, kemi pranuar informatën se në rrugën Ferizaj- Prishtinë, ka ndodhur një aksident trafiku. Në këtë aksident ka qenë i përfshirë një automjet dhe një këmbësor. Si pasojë e aksidentit këmbësori ka vdekur. Vdekja e viktimës është konstatuar nga ekipi mjekësor në QKUK”, deklaroi Ahmeti.

Vdekja është konfirmuar nga ekipi mjekësor në Qendrën Klinike Universitare të Kosovës (QKUK). Njësitet përkatëse policore kanë nisur procedurat për dokumentimin dhe hetimin e rrethanave në të cilat ka ndodhur aksidenti.