Gorani: Vendi po shkon drejt trazirave

Dukagjin Gorani, dikur këshilltar i ish kryeministrit Hashim Thaçi, tani pjesë e strukturave të larta të Lëvizjes Vetëvendosje, në një intervistë në emisionin Argument Plus në RTV 21, ka paralajmëruar mundësinë e trazirave në vend.

Ai ka thënë se këto trazira pushteti po rrezikon t’i krijojë, pas vdekjes sipas tij misterioze të aktivistit të VV-së Astrit Dehari në burgun e Prizrenit, transmeton gazetametro.net.

Gorani ka thënë se shteti me qëllim po ushtron represion ndaj lëvizjes ku ai bën pjesë, duke rrezikuar ta përçajë edhe popullin.

Duke folur për rastin, Gorani ka thënë se në bazë të informatave që ka subjekti i tij politik, disa nga njerëzit që kanë marrë pjesë në autopsinë e trupit të Astrit Deharit besojnë se ai ishte vrarë.

Ai vazhdimisht në intervistë rastit të Astritit i ëshë referuar si vrasje e shkaktuar nga pushteti, edhe pse rezultatet e autopsisë ku kanë marr pjesë edhe përfaqësuesit e Vetëvendosjes, ende nuk janë publikuar. /gazetametro.net