Loading…

Grabitje me armë në një bankë në Prishtinë: Policia tregon detajet

  • 02/12/2019 | 18:34

Grabitje me armë në një bankë në Prishtinë: Policia tregon detajet

Një plaçkitje e armatosur ka ndodhur sot në Prishtinë, përkatësisht në rrugën ‘Ilir Konushevci’, ku një person i maskuar dhe nën kërcënimin e armës, ka grabitur një institucion mikrofinanciar, shkruan Gazeta Metro.


Rastin e ka konfirmuar për Gazetën Metro Zëdhënësi i Policisë së Kosovës, Daut Hoxha, i cili theksoi se ngjarja ka ndodhur rreth orës 17:00.

“Në ora 16:52 policia ka pranuar informacionin se në një institucion mikrofinanciar në rrugën ‘Ilir Konushevci’ në Prishtinë, një person i dyshuar, i veshur me jakne ngjyrë hiri me mangë të zeza, i maskuar dhe nën kërcënimin e armës, dyshohet se ka kryer një grabitje dhe ka ikur nga vendi ngjarjes”, tha ai.

Tutje, Hoxha ka deklaruar se personi në fjalë ka ikur nga vendi i ngjarjes, dhe se njësitet policore po merren me hetimet rreth rastit.

Kujtojmë se gjatë këtij viti në Kosovë janë shënuar disa raste të grabitjes me armë, ku vetëm në dy mujorin e parë të 2019’tës, janar e shkurt, ka pasur mbi 40 raste të grabitjeve, ku shumica prej tyre kanë qenë  të armatosura.

E për të parandaluar një gjë të tillë, Qeveria kishte marrë vetëm një veprim, që MPB t’i pajisë me armë të gjata policët, gjë e cila nuk ka sjellur shumë rezultate./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë