Loading…

Grabitje në mes të Tiranës, momenti kur autori vrapon me çantën me para

  • 05/05/2021 | 08:49

Grabitje në mes të Tiranës, momenti kur autori vrapon me çantën me para

Gazeta Mapo ka siguruar pamjet nga momenti kur njëri nga autorët e grabitjes në Tiranë largohet me vrap me çantën me para në dorë.


Autori është i maskuar, ndërsa është fiksuar nga kamerat e bizneseve duke u arratisur me shpejtësi në rrugica.

Sipas policisë grabitja ndodhi rreth orës 09:05, në rrugën e “Kavajës” në kryqëzimin me rrugën “Mihal Duri”, ku 2 persona ende të paidentifikuar goditën me sende të forta dhe më pas i morën një shumë parash Qani Zilit, 55 vjeç.

Ky i fundit po transportonte me motor vlera monetare të një pike valute. Autorët kishin informacion për lëvizjet 55-vjeçarit duke e sulmuar dhe grabitur.

Gjithçka ka ndodhur brenda pak sekondave. Grabitësit në arratisje e sipër braktisën motorin me të cilin po lëviznin dhe u larguan me këmbë nëpër rrugica duke humbur gjurmët.

Pamjet filmike dhe provat e mundshme të lëna në motorin që braktisën mund të çojnë grupin hetimor në gjurmët e grabitësve.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë