Grabovci bën fushatë edhe në gjykatë

Adem Grabovci, që është thirrur nga Prokuroria për të dëshmuar në gjykimin ndaj Limajt, e ka shfrytëzuar edhe këtë gjykim për të bërë fushatë.

I pyetur nga prokurori se cilës parti i takon i dyshuari tjetër në këtë gjykim, Nexhat Krasniqi, Grabovci nuk ka dhënë detaje, por ka thënë se dëshira e tij do të ishte që ai të ishte pjesë e PDK’së.

“Nuk e di. Me thanë të drejtën, dëshirë do të kisha të ishte pjesë e Partisë Demokratike të Kosovë”, ka thënë Grabovci në gjykatore.

Ndërkaq, Grabovci po ashtu nuk ka hezituar t’i quaj si “të fuqishme” strukturat organizative të PDK’së.

Grabovci kur u pyet se çfarë pozite mbante Endrit Shala në kohën Limajt, tha se ai ka qenë pjesë e Rinisë së PDK’së.

“Atëherë ka qenë i ri, më duket që ka qenë pjese e Rinisë Demokratike, e cila është pjesë e fuqishme organizative e PDK’së”, ka shtuar Grabovci.

Ndryshe, Adem Grabovci po dëshmon në gjykimin kundër Limajt në rastin e njohur si ‘MTPT’. /gazetametro.net