Gratë dhe Biznesi, mbahet në UPZ

Në Universitetin e Prizrenit “ Ukshin Hoti”, sot filloi punët Konferenca VII ndërkombëtare me temën “ Gratë dhe Biznesi”, në bashkëpunim me Univerisitetin e Trakisë dhe Grupi Ndërkombëtar i Grave dhe Biznesit.

Përmes njoftimit në faqen zyrtare të universitetit, thuhet se në këtë takim  marrin pjesë 70 studiues, ku do të paraqesin punimet e tyre shkencore për këtë temë.

Pjesmarrësit dhe studiuesit e këtij takimi janë nga Amerika, Turqia, Maqedonia, Shqipëria dhe Kosova.

Rektori i Universitetit, Ram Vataj gjatë takimit  theksoi rëndësinë e këtij evenimenti. Vataj gjithashtu falenderoi edhe këshillin organizativ për punën e bërë për këtë ngjarje me rëndësi për universitetin.