Loading…

Guardiola e krahason Haalandin me Messin

  • 08/08/2022 | 23:04

Guardiola e krahason Haalandin me Messin

Pep Guardiola e ka krahasuar Erling Haalandin me Lionel Messin.


Të dielën, Manchester City shënoi fitore 2:0 ndaj West Ham Unitedit në ndeshjen e parë për sezonin 2022/23 në Premierligë.

Dhe, të dy golat e fitores u shënuan nga Haaland. Megjithatë, në një intervistë pas ndeshjes, norvegjezi shprehu zhgënjimin që nuk mundi të bënte një het-trik.

“Është mirë, kjo më pëlqen”, tha Guardiola.

“Jam me fat që kam qenë trajner i Messit. Kur shënonte dy, donte të shënonte tre, kur shënonte tre, donte të shënonte katër. Golashënuesit e nivelit të lartë nuk janë kurrë të kënaqur, ata janë gjithmonë të etur për gola dhe duan më shumë”, shtoi trajneri spanjoll.

“Unë e di se si Haaland e trajtoi vërshimin e kritikave këtë javë. Ai ishte shumë i qetë, i stërvitur mirë. Kur e pashë të merrte topin për të shkuar dhe për të goditur një penallti, thashë: ‘Kjo më pëlqen’”, vazhdoi trajneri i Manchester Cityt.

“Ai është shumë i orientuar drejt qëllimit. Unë mendoj se nëse dikush tjetër do ta kishte marrë topin, Haaland do ta kishte goditur atë person në fytyrë, edhe pse ata janë shokë skuadre. Dhe kjo është një shenjë mjaft e mirë. Më pëlqen që ai ka shumë vetëbesim”, deklaroi Pep Guardiola.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë