Hadërgjonaj pas barazimit me Izraelin: E nisëm mbarë, tani fokusin e kemi te ndeshja ndaj Andorrës
-
26/03/2023 | 13:32
Mbrojtësi i Kombëtares së Kosovës, Florent Hadërgjonaj, është shprehur i lumtur për barazimin e arritur (1-1) dje kundër Izraelit në Tel Aviv, transmeton Gazeta Metro.
Përmes një postimi në Facebook, Hadërgjonaj ka thënë se ‘Dardanët’ e kanë nisur mbarë ciklin kualifikues për Kampionatin Europian ‘Euro 2024’.
Ai ka shtuar se tani e gjithë vëmendja do të jetë te ndeshja kundër Andorrës, ku ka kërkuar përkrahjen e tifozëve.
”E kemi nisur mbarë kualifikimet duke marrë një pikë të rëndësishme në Izrael. Tani fokusin e kemi te ndeshja e të martës ku me përkrahjen tuaj duam tre pikët. Forca Kosova,” ka shkruar Hadërgjonaj.
Kosova të martën në stadiumin ‘Fadil Vokrri’ në Prishtinë do të ndeshet me Andorrën në takimin e dytë të grupit I. /gazetametro.net
Postimi i Florent Hadërgjonaj:
