Halil Matoshi mbron komandantët: Dhanë më të mirën
-
29/05/2017 | 20:59
Halil Matoshi, kandidat për deputet në Kuvendin e Kosovës thotë se janë komandantët e luftës ata që kanë dhënë më të mirën prej vetës për vendin.
Deklaratat ai i bëri duke komentuar deklarimet e ditëve të fundit rreth ‘krahut të luftës’ pas koalicionit të krijuar ndërmjet Partisë Demokratike të Kosovës, Aleancës për Ardhmërinë e Kosovës dhe NISMA’s për Kosovë.
“Komandantët e kanë dhënë më të mirën prej vetës për këtë vend”, tha Matoshi në emisionin Monitor në televizionin publik.
“Nuk e kanë ditë se një ditë do të ndajnë pushtet”, theksoi ai.
Ai thotë se në AAK nuk ka parë njerëz me uniforma por se Ramush Haradinaj dhe vëllezërit e tij kanë dhënë shumë për vendin.
“Haradinajt i ka dhënë dy vëllezërit e tyre në beteja për lirinë e këtij vendi”, tha Matoshi.
Matoshi tutje thotë se në partinë e Haradinajt ka gjet vlerat civile qytetare.
“Ata kanë luftuar për vlera civile, qytetare dhe madje edhe për lirinë e shprehjes”, theksoi ai.
I ndalohet Kosova, duhet të shkojë 2 herë në muaj në polici: Këto janë detajet e lirimit të Radojicic
-
04/10/2023 | 10:40
