Halimi e LDK’së: Bashkë me zyrtarët policorë të suspenduar, të shkojë edhe Sveçla

Zëdhënësja e Lidhjes Demokratike të Kosovës (LDK), Sibel Halimi, përmes një postimi në Facebook ka thënë se është lajm i mirë suspendimi i zyrtarëve policorë që nuk e kryen detyrën, zbatimin e urdhrit të mbrojtjes për gruan e ekzekutuar mizorisht në oborrin e QKUK-së.

Mirëpo, ajo thotë se vetëm suspendimi i zyrtarëve policorë është i pamjaftueshëm.

Halimi ka shkruar se bashkë me policët duhet të largohet edhe ministrit i Punëve të Brendshme, Xhelal Sveçla.

“Zinxhiri i shkarkimeve duhet të shkoj deri në fund. Është padyshim lajm i mirë suspendimi i zyrtarëve policorë që nuk e kryen detyrën, zbatimin e urdhërit të mbrojtjes për gruan e ekzekutuar mizorisht në oborrin e QKUK-së. Mirëpo kjo nuk mjafton. Bashkë me ta, duhet të shkojë edhe eprori i tyre, Ministri i Brendshëm. Kjo duhet të ndodh së paku si akt moral, nëse jo për tjetër. Gruaja që u privua nga jeta bashkë me foshnjën e saj, ishte e shtrirë në një institucion publik shëndetësor. Pra, ishte nën përkujdesjen e shtetit që dështoi ta mbronte atë. Ky dështim i pafalshëm dhe me pasoja fatale, nuk mund të kalojë me disa dorëheqje në fundin e zinxhirit komandues, pa ndodhur ato edhe në krye të tij”, ka shkruar ajo.

Më herët, u raportua nga RTV Dukagjini se IKP’ja ka rekomanduar suspendimin e Komandantit të Policisë për Komunën Lipjanit, Naser Sinani, Rreshteri Hasim Luboveci, dhe Hetues Fejsal Ahmeti, dhe Frashër Rexhepi. /gazetametro.net

Postimi i plotë: