Loading…

Halimi: Në kohën e fushatës zgjedhore, qeveria është mobilizuar me të gjithë arsenalin e saj për ta fituar qoftë edhe një komunë të vetme

  • 27/10/2021 | 20:18

Halimi: Në kohën e fushatës zgjedhore, qeveria është mobilizuar me të gjithë arsenalin e saj për ta fituar qoftë edhe një komunë të vetme

Zëdhënësja politike e Lidhjes Demokratike të Kosovës (LDK), Sibel Halimi, ka reaguar pas vendimit të Qeverisë sot për shtesat pensionale, duke thënë se në kohën e fushatës zgjedhore, qeveria është mobilizuar me të gjithë arsenalin e saj t’i përdorë mjetet e fundit që i kanë mbetur, për ta fituar qoftë edhe një komunë të vetme, shkruan Gazeta Metro.

Me anë të një postimi në Facebook, Halimi ka thënë se kjo ndarje e shtesave një mujore për pensionistët është shembulli tipik se si një qeveri abuzon me pushtetin.

“Në kohën e fushatës zgjedhore, qeveria është mobilizuar me të gjithë arsenalin e saj t’i përdorë mjetet e fundit që i kanë mbetur, për ta fituar qoftë edhe një komunë të vetme. Ndarja e shtesave një mujore për pensionistët është shembulli tipik se si një qeveri abuzon me pushtetin duke e kthyer buxhetin e shtetit dhe taksat e qytetarëve në shërbim të një partie politike me qëllim të përfitimit elektoral”, ka shkruar ajo.

Tutje Halimi ka thënë se kjo është një praktikë e njohur.

“Të gjithë e kemi të freskët kohën kur gjatë fushatave zgjedhore premtoheshin rritje të pagave për arsimtarë, policë e zjarrfikës, kur fshatrave me nga dy mijë banorë u premtoheshin se do të shndërroheshin në komuna. Partia vije në pushtet nën emrin e “ndryshimit”, por fatkeqësisht mendësia mbetet e njëjtë, vazhdohet me po të njëjtën ritëm duke bërë intervenime një mujore që fyejnë dinjitetin dhe integritetin e qytetarëve e në këtë rast të një kategorie të tillë siç janë të moshuarit. Pensionistët meritojnë një zgjidhje afatgjate, por në asnjë mënyre të përdoren dhe të manipulohen”, ka shkruar në fund ajo.

Më poshtë shkrimi i plotë. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë