Hamza pas takimit me Kurtin: Kërkojmë aprovimin final të Ligjit, pastaj PDK e gatshme të gjejë zgjidhje për presidentin

Kryetari i Partisë Demokratike të Kosovës (PDK), Bedri Hamza, u deklarua pas takimit me kryeministrin Albin Kurti të shtunën. Ky takim mbi dy orësh si duket nuk ka përfunduar me rezultat e ujdi konkrete deri tani, transmeton Gazeta Metro.

Hamza, për media, ka ripërsëritur kërkesën e PDK’së për aprovimin e ligjit për specialen në dy leximet, ‘’aprovimin final’’ të tij.

‘’Vazhdimisht po e them kërkesa e PDK’së është aprovimi i ligjit në dy lexime, aprovimi final i ligjit, pastaj PDK është e gatshme në të njëjtën ditë, në seancën e radhës me bisedu me gjet zgjidhjen për presidentin dhe me i dhanë votat për presidentin. Bisedat i kemi përfundu, janë edhe disa ditë ku kemi mundësi me arrit marrëveshjen, nuk e di a do të ndodh marrëveshja, por përndryshe kjo është kërkesa jonë dhe nuk ka të bëjë me nevojën për PDK’në, ligji kalon nevojat përtej PDK’së, dhe ka të bëjë me një çështje tjetër’’, ka deklaruar ai.

PDK e prerë para takimit me Kurtin, miratimi i ligjit për Specialen pastaj ujdia për Presidentin