Loading…
Hapet konkursi fotografik ‘Colours of Albania’
  • 25/05/2019 | 13:31

Hapet konkursi fotografik ‘Colours of Albania’

Nën kujdesin e veçantë të Ministrit në Detyrë Gent Cakaj, në Ministrinë për Evropën dhe Punët e Jashtme, u zhvillua aktiviteti për çeljen e edicionit të pestë të konkursit fotografik “Colours of Albania”, shkruan Gazeta Metro.


Kjo nismë synon të përfshijë vendas e të huaj në një fushatë promovimi të bukurive dhe ngjyrave të Shqipërisë në rrjetet sociale duke i bërë jehonë larmishmërisë së jetës urbane, stilit të jetës dhe trashëgimisë kulturore në vend. Me anë të fotografive që përdoruesit e rrjeteve sociale vendosin të postojnë duke përdorur hashtag-un #coloursofalbania2019, sigurojnë menjëherë përfshirjen në këtë konkurs duke u kthyer në “diplomatë digjitalë” për përcjelljen e ngjyrave të Shqipërisë në botë.

Në fjalën e tij përshëndetëse, Ministri në Detyrë për Evropën dhe Punët e Jashtme, Gent Cakaj, vuri në pah trashëgiminë pesë vjeçare të kësaj nisme, me një ndërveprim të shumëfishuar në rrjete dhe një impakt të jashtëzakonshëm sidomos tek të rinjtë. Ministrja e Kulturës, Elva Margariti, në fjalën e saj, u ndal në rëndësinë e nismës, në funksion të promovimit të vlerave dhe bukurive të vendit, si dhe mundësive që ofron teknologjia në rritjen e kapaciteteve për të komunikuar dhe për të ndarë me të tjerët.

Në këtë aktivitet morën pjesë trupi diplomatik në Tiranë, të rinj e të reja të apasionuar pas fotografisë, institucione të ndryshme si dhe operatorë turistikë. Konkursi Colours of Albania do të mbetet i hapur deri në fund të shtatorit, ku më pas juria do të bëjë përzgjedhjen e 50 fotove më të mira dhe 5 fotove fituese, të cilat do të ekspozohen në disa kryeqytete të botës./gazetametro.net

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë