Loading…

Haradinaj: Hungaria mbështet Kosovën për anëtarësimin në INTERPOL dhe liberalizimin e vizave

  • 15/11/2018 | 17:19

Haradinaj: Hungaria mbështet Kosovën për anëtarësimin në INTERPOL dhe liberalizimin e vizave

Kryeministri i Kosovës, Ramush Haradinaj, ka deklartuar sot se Hungaria është njëri prej vendeve të para që e ka njohur Republikën e Kosovës si dhe bashkëpunimi i saj me Kosovën është tradicional dhe historik.


Këto deklarata kryeministri Haradinaj i ka dhënë pas takimi me ministrin për Punë të Jashtme dhe Tregti të Hungarisë, Peter Szijarto.

Kryeministri i ka thënë ministrit hungarez Szijarto se Kosova është mirënjohëse për përkrahjen dhe kontributin e Hungarisë që i ka dhënë Kosovës, njofton gazetametro.net.

“Hungaria është një prej vendeve të para që ka njohur Republikën e Kosovës, dhe bashkëpunimi ndërmjet vendeve tona është tradicional dhe historik. Kosova dhe populli i saj është mirënjohëse për përkrahjen dhe kontributin e Hungarisë në shtetndërtimin dhe konsolidimin e institucioneve demokratike”, ka thënë  Haradinaj, njofton gazetametro.net.

Kryeministri Haradinaj  ka kërkuar nga shteti hungarez mbështetje për anëtarësimin e Kosovës në Interpol, çështjen e liberalizimit të vizave dhe çështje tjera me rëndësi për rrugën eurotlantike të Kosovës.

Ministri për Punë të Jashtme dhe Tregti i Hungarisë, Peter Szijarto, ka falënderuar kryeministrin Haradinaj për pritjen, duke thënë se Hungaria do të vazhdoj të jetë mbështetëse e Kosovës në agjendën e saj eurointegruese dhe në çështje tjera të interesit të përbashkët./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë