Loading…

Haradinaj merr titullin “Nderi i Shkodrës”

  • 14/01/2017 | 09:24

Haradinaj merr titullin “Nderi i Shkodrës”

Me unanimitet të plotë, përfaqësues të të gjitha forcave politike votuan në Këshillin e Qarkut Shkodër dhënien e titullit “Nderi i Shkodrës” për Ramush Haradinajn.


Propozimi i kryetares së Këshillit të Qarkut, Greta Bardeli-Gjoni, u mbështet në mbledhje nga të gjithë anëtarët si dhe kryetarët e Bashkive të Shkodrës, Malësisë së Madhe, Vaut të Dejës dhe Pukës.

Ky titull u dha me motivacionin “Në shenjë solidariteti, nderimi e respekti për luftëtarin e lirisë së Kosovës, politikanin e vlerave evropiane që nuk rresht përpjekjen për t’u përballur me dinjitet me kundërshtarët e lirisë dhe pavarësisë së shqiptarëve”.

Vendimi vjen në një kohë kur Haradinaj po përballet me drejtësinë franceze pas një urdhër-arresti nga Serbia. Ditën e djeshme gjykata franceze e la në liri me kusht kreun e AAK-së.

Ai duhet të paraqitet dy herë në javë tek autoritetet dhe të qëndrojë në territorin francez.

Serbia e kërkon Haradinajn nën dyshimin e pabazë se ka kryer krime lufte në Kosovë në vitet 1998 dhe 1999, raporton atsh.

Për këto akuza, Gjykata Ndërkombëtare e Hagës e ka shpallur dy herë të pafajshëm ish-kryeministrin kosovar.

Seanca për vendimin përfundimtar ndaj Haradinajt nuk është caktuar ende. Ndalimi i tij nxiti reagimin e institucioneve dhe partive politike në Kosovë dhe jo vetëm, të cilat bënë thirrje për lirimin e menjëhershëm.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë