Haradinaj thotë se ka vota në VV nëse kandidon për president

Kreu i AAK-së, Ramush Haradinaj ka surprizuar me një deklarim të fundit ku tha se nëse do kandidonte për president, vota të sigurta ka edhe nga partia në pushtet, Lëvizja Vetëvendosje, transmeton Gazeta Metro.

Haradinaj, shumë i bindur deklaroi se një numër i deputetëve të Lëvizjes Vetëvendosje i kanë premtuar votën nëse ai do të kandidojë për president të vendit.

“Një numër i respektuar, jo i vogël edhe i deputeteve të VV-së më kanë thanë nëse je në garë e ke votën time, e kanë thënë edhe në takime në prani të kolegëve të vetë”, tha kreu i AAK-së në Pressing.

Madje u shpreh se të njëjtë janë gjallë dhe munden me u deklaru edhe vetë./gazetametro.net