Loading…

Haskuka nuk i ndal konkurset në komunën e Prizrenit

  • 06/12/2019 | 08:26

Haskuka nuk i ndal konkurset në komunën e Prizrenit

Dega e Nismës Socialdemokrate në Prizren është shprehur e shqetësuar me veprimet e koalicionit qeverisës komunal për shpalljen e konkursit për 35 vende pune me kontratë për shërbime të veçanta. Kjo parti opozitare të enjten ka theksuar se subjektet e koalicionit lokal po përpiqen që t’i rehatojnë aktivistët e tyre, që i kanë mashtruar gjatë fushatës së fundit zgjedhore.

“Nisma Socialdemokrate – Dega në Prizren, shpreh shqetësimet publikisht për keqpërdorimin e parasë publike nga koalicioni Haskuka-LVV-LDK-Hipokritët, të cilët përballë pakënaqësive nga militantët e tyre partiakë kanë hapur 35 vende pune me kontratë për shërbime të veçanta, për të neutralizuar të pakënaqurit, të cilët i kanë mashtruar gjatë fushatës për zgjedhjet e 6 tetorit”, thuhet në komunikatën e NS-së, shkruan sot Koha Ditore.

Ky subjekt politik ka theksuar se pezullimi i Ligjit për Zyrtarët Publikë nga Gjykata Kushtetuese “po shfrytëzohet shpejt e shpejt për interesa meskine politike derisa, në anën tjetër, po me atë ligj kanë hapur një “konkurs” për mësimdhënës, fati i të cilit nuk dihet dhe po del se kanë mashtruar qindra e mijëra të rinj të cilët kanë aplikuar për punësim”.

Komuna e Prizrenit, më 4 dhjetor 2019, duke u bazuar në dispozitat e caktuara të Ligjit për Shërbimin Civil dhe të Ligjit për trajtimin e ndërtimeve pa leje, ka shpallur konkursin për shërbime të veçanta për 6 muaj për 35 vende pune.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë