Loading…

Haxhiu: Pas votës kundër për Trustin mora shumë mesazhe zhgënjyese, Kurti e humbi kontrollin

  • 24/06/2022 | 08:06

Haxhiu: Pas votës kundër për Trustin mora shumë mesazhe zhgënjyese, Kurti e humbi kontrollin

Deputeti i PDK-së dhe iniciuesi i Projektligjit për tërheqjen e 30 për qindëshit të Trustit, Bekim Haxhiu, ka folur pas votimit kundër të këtij Projektligji sot në Kuvendin e Kosovës.


Ai tha sot pas votës kundër, ka marrë shumë mesazhe zhgënjyese teksa akuzoi qeverinë se s’po e ushtron funksionin e saj kushtetuese që të jetë edhe rregullator edhe menaxhues.

Tutje, ai tha se kryeministri i vendit, Albin Kurti, gjatë ditës sot e ka humbur kontrollin dhe s’dinte çfarë fliste.

“Në mungesë të argumenteve për atë se pse s’e mbështet kërkesën e qytetarëve, kaloi në një element tjetër që ta sulmoj iniciuesin e projektligjit dhe kur dështon edhe në sulmin ndaj iniciuesit, kalon në një fazë tjetër, atë të polarizimit të kuvendit mes pozitës dhe opozitës”.

“Dhe, thuajse në çdo fjalim të deputetëve të opozitës, kryeministri pas tyre e merrte fjalën dhe replikonte me çdo deputet për të bërë polarizimin mes kuvendit për t’i ndërprerë ato urat e bashkëpunimit në interes të qytetarëve sepse kjo ka qenë mënyra e vetme që në një atmosferë të tensionuar në kuvend të votohet kjo nismë”, është shprehur Haxhiu në “Edicioni Special” në Klan Kosova.

Më tej, ai tha se po të hidhej në votim dje kjo nismë ligjore do të kalonte, sepse sipas tij, ka pasur optimizëm dje brenda kuvendit që të kalohet kjo iniciativë, por sipas tij, seanca u ndërpre në mënyrë arbitrare.

“Kryeministri ka kohë që s’ka qëndruar në kuvend më shumë se një orë, ndërsa sot ka qëndruar tërë ditën veë që të rrezohet kjo nismë”.

“Ka pasur edhe deputetë të moniriteteve që janë deklaruar pro tërheqjes. Ka pasur edhe deputetë tjerë të VV-së që kanë premtuar se do ta mbështesin këtë kërkesë. Ka pasur deputet të VV-së që ka propozuar tërheqjen e Trustit me anë të pyetjeve parlamentare ku ka kërkuar që të tërhiqen 227 milionë euro”, është shprehur Haxhiu.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë