Loading…

Haziri kritikon Hotin dhe Zemajn: Po merrni vendime me panik, lejoni dasmat e gastronominë

  • 07/07/2020 | 17:56

Haziri kritikon Hotin dhe Zemajn: Po merrni vendime me panik, lejoni dasmat e gastronominë

Kryetari i Komunës së Gjilanit dhe njëherë nënkryetari i LDK’së, Lutfi Haziri ka kritikuar kryeministrin Avdullah Hoti dhe ministrin e Shëndetësisë, Armend Zemaj, shkruan Gazeta Metro.


Haziri ka thënë se qeveria në krye me Avdullah Hotin ka marrë vendime antikushtetuese dhe në panik.

Sipas tij vendimet e marra duhet të shfuqizohen dhe të lejohet puna e gastronomisë, të lejohen dasmat dhe ahengjet me masat anti-COVID-19.

Postimi i plotë nga Haziri:

#Dita117. Brenda këtyre ditëve, në Gjilan janë infektuar 210 persona me COVID19, 4 prej tyre kanë vdekur, 143 janë shëruar, derisa 63 raste konsiderohen aktive.

Çdo ditë jemi në ekzaminim të rasteve dhe hulumtimin e burimeve të rasteve me #COVID19 në Gjilan dhe çdo komunë të Anamoraves.

Në takimin e fundit me kolegët e Komunave të regjionit #06 në #ditën90, koordinuam veprimet për parandalim së bashku me Emergjencat civile, Qendrën Rajonale të Shëndetit Publik dhe policinë e shtetit.

Ora policore në mënyrë selektive dhe antikushtetuese, mbyllja e gastronomisë në tanë territorin e Kosovës, moslejimi i dasmave dhe ahengjeve me më shume se 50 persona, janë vendime në panik. Qeveria nuk guxon me vendos në mënyrë të tillë. IKSHP dhe Qeveria duhet te ecin me masa që fillon me një koordinim ndër-institucional më të mirë. Mundemi me i identifiku burimet e infeksioneve dhe me ngulfat përhapjen. Por, vetëm koordinim më i mirë, ndarje e drejtë e përgjegjesive dhe mbikëqyrje rigoroze. Rritja e nivelit emergjencave në shkallën më të lartë të reagimit, e rritë shkallën e mobilizimit të policisë, emergjencave civile dhe Komunave, përderisa institucionet shëndetësore lehtësohen vetëm në punën e mjekut apo teknikut mjekësor. Të ketë njoftime te rregullta përmes nje zyre dhe ekipi profesional në emër të Qeverisë per testet, kontaktet, burimet, statistikat dhe detyrat.

Mos i përsëritni gabimet e qeverisë Kurti, si koncetrimi i menaxhimit në një minister, dy qendra të menaxhimit të pandemisë (një në MPB e një MSH), politikat selektive në karantinim dhe centralizim te komunikimit me publikun vetëm në një zyrë, konfliktet institucionale Qeveri/Presidencë, ndërsa tash tendenca me Kuvendin apo opoziten në Kuvend. Nuk jemi në fillim, por në #ditën117 të përballjes me COVID19. Të veprojmë bashkë e jo në mënyrë stihike e me panik. Stafi i administratës, mjekët, çerdhet, policia bile edhe ushtarët e deputetët, janë burime infeksioni, por jo edhe lokalet, xhamitë apo kishat

Përpos tjerash, duhet të hapen teatrot e bibliotekat dhe të lejohen dasmat në kushte pandemie, duke respektuar masat mbrojtëse. Solidaritet, lojalitet e besim në luftën e përbashkët me të panjohurën.//gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë