Haziri s’do rikandidojë
-
03/01/2017 | 18:24
Është mandati i tij i fundit si Kryetar i Komunës së Gjilanit. Thotë se i ka dhënë mjaftë shumë gjilanasve. Përkushtimin e tij politik pritet ta vazhdojë në Lidhjen Demokratike të Kosovës (LDK) në si Kryetar i kësaj Partie.
“Ky është mandati i tretë i imi në cilësinë e kryetarit të Komunës. Mendoj se i kam dhënë mjaftë shumë gjilanasve. Nuk do të rikandidoj për kryetar, definitivisht. Ajo për të cilën e kam marrë mandatin është realizuar, madje janë tejkaluar parashikimet. Gjilani sot nuk është më qytet i harruar e anashkaluar sa u përket investimeve. Tashmë, kam arritur që Gjilanit t’ia rikthej partneritetet ndërkombëtare dhe jam shumë i lumtur për këtë”, ka thënë Haziri.
Ai ka një karrierë të gjatë politike, duke qenë Ministër në Qeverinë e Kosovës dhe Zvëndëskryeministër për një mandat. Haziri, pritet të jetë edhe kandidati kryesor dhe potencial për Kryetarin e ri të LDK’së. /gazetametro.net
