Loading…

Heshtin për trenin edhe përgjegjësit e hekurudhave

  • 14/01/2017 | 13:41

Heshtin për trenin edhe përgjegjësit e hekurudhave

Problemi i hekurudhave dhe qarkullimit të trenave mes Kosovës dhe Serbisë s’ka qenë asnjëherë temë e dialogut të zhvilluar në Bruksel. Problemi i ardhjes së treni në Kosovë nga Serbia bie mbi përgjegjësinë e Ministrisë së Infrastrukturës dhe Autoritetit të Hekurudhave të Kosovës.


Asnjë urdhër nuk është dhënë nga Qeveria, Ministria e Punëve të Brendshme dhe as nga Ministria e Infrastrukturës për të ndalur trenin, i cili pritet që pasdite të hyjë në Kosovë.

Çështja e hekurudhave dhe hyrjes së ndonjë treni nga Serbia në Kosovë asnjëherë s’ka qenë pjesë e dialogut të zhvilluar në Bruksel.

Pavarësisht kësaj, Ministrja për Dialog, Edita Tahiri ka kërkuar reagim të BE’së për provokimin që ka bërë Serbia duke e nisur një tren me simbole kishtare e zyrtarë serbë në drejtim të Kosovës.

Express ka provuar të kontaktojë me Ministrin e Infrastrukturës, Lutfi Zharku dhe Ministrin e Punëve të Brendshme, Skender Hyseni, por asnjëri s’ka folur.

As zyrtarët e Hekurudhave të Kosovës s’kanë dhënë asnjë koment lidhur me trenin serb.

Krejt në heshtje po vazhdojnë të jenë edhe Kryeministri Isa Mustafa, Presidenti Hashim Thaçi e Kryetari i Kuvendit, Kadri Veseli. Asnjëri prej këtyre tre udhëheqësve shtetërorë s’e ka thënë një fjalë për trenin.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë