Loading…
Historia e dhimbshme e gruas nga Suhareka: Qëndroi në gjendje të rëndë për 15 ditë në QKUK, sot vdiq
  • 16/06/2019 | 16:42

Historia e dhimbshme e gruas nga Suhareka: Qëndroi në gjendje të rëndë për 15 ditë në QKUK, sot vdiq

H.D nga fshati Samadraxhë i komunës së Suharekës, ka vdekur gjatë ditës së sotme në QKUK pas 15 ditësh qëndrimi në kujdesin intensiv pas lëndimeve të rënda që mori. Ndonëse ende nuk është bërë e ditur se si u lëndua, një person është arrestuar lidhur me këtë rast, shkruan Gazeta Metro.


Zyra për Informim e QKUK’së ka bërë të ditur për Gazetën Metro se 54 vjeçarja ka qëndruar në mjekim intensiv nga data 01.06.2019, ndërsa ka vdekur dje, me datë 15.06.2019.

“Sipas informatave, H.D nga Suhareka, viti i lindjes 1965 është shtirë në mjekimin intensiv qendror me datë 01.06.2019, dhe ka vdekur dje, me datë 15.06.2019”, kanë thënë nga Zyra për Informim.

Tutje, është bërë e ditur se gruaja ka qenë në gjendje të rëndë, dhe përkundër përpjekjeve të mjekëve, ka ndërruar jetë.

Pas kësaj, trupi i pajetë i viktimës është dërguar në Institutin e Mjekësisë Ligjorë (IML) për obduksion.

Në anën tjetër, Policia e Kosovës ka njoftuar se lidhur me këtë rast është arrestuar edhe një mashkull, i njëjti është dërguar në mbajtje dhe rasti po vazhdon të hetohet.

“Me urdhër të prokurorit është arrestuar i dyshuari mashkull K/Shqiptar, dhe i njëjti është dërguar në mbajtje, rasti është duke u hetuar”, thuhet në njoftimin e policisë.

Gazeta Metro do t’iu mbajë të informuar lidhur me zhvillimet e fundit rreth rastit./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë