Loading…

Hoti e quan të pasinqertë pyetjen e Abelard Tahirit

  • 21/10/2020 | 23:09

Hoti e quan të pasinqertë pyetjen e Abelard Tahirit

Deputeti i PDK-së, Abelard Tahiri, ka thënë se i ka bërë përshtypje deklarata e Shefit të Grupit Parlamentar të LDK-së, Arben Gashit i cili tha se është i shqetësuar për Asociacionin e Komunave Serbe.

Sipas tij Gashi përfaqëson LDK-në, por duhet treguar nëse dhe Kryeministri Avdullah Hoti ndjehet i shqetësuar nga themelimi i Asociacionit, njofton Klan Kosova.

“Ai përfaqëson LDK-në, pra i bie se ata janë të shqetësuar rreth Asociacionit. A është kryeministri i shqetësuar që vjen nga e njëjta parti në raport me Asociacionin?

”Ku jemi ne, sot mirë është që kryeministri të deklarohet se, ”A duhet të kemi shqetësim për Asociacionin?“.

“Kam një pyetje për kryeministrin [Avdullah Hoti], për Asociacionin. – A ka Kosova kërkesë zyrtare nga përfaqësuesit e BE-së për themelimin e Asociacionit me kompetenca ekzekutive?”.

Hoti pas kësaj pyetje i është drejtuar Tahirit: “A e ke dëgjuar ndonjë deklaratë nga BE-ja për këtë?

Të menjëhershëm e pati reagimin Tahiri duke i thënë Hotit se nuk po e fajëson, por se një deklaratë nga BE i jep sinjal për mundësinë e ndryshimit të Kushtetutës së Kosovës, njofton Klan Kosova.

“Unë e kam dëgjuar prononcimin e BE-së – Miroslav Lajçak ka pasë një deklaratë që mua më jep njëfarë drejtimi për mundësinë e ndryshimit të Kushtetutës të Kosovës. Por, shyqyr që ne deputetët vendosim për këtë”.

“Nuk po ju fajësoj juve, po vetëm po ju pyes?”, ka thënë Tahiri.

Hoti u përgjigj duke thënë se pyetja e drejtuar ndaj tij është e pasinqertë.

“Nuk po ndihem fajtor, por pyetja është e pasinqertë. Krejt bisedat lidhur me këtë çështje janë transparente në çdo kërkesë në proces të dialogut prej se jam në krye të këtij procesi”.

“Ka ndërruar formati i dialogut, nuk ka biseda në darka dhe as me dyer mbyllura çka dakordojmë me agjendë paraprake në përputhje me dakordimet e marra nga ky Kuvend”, ka thënë Hoti.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë