Hoti: Marrëdhëniet e Kosovës me SHBA’në janë të rëndësisë ekzistenciale

Avdullah Hoti, deputet i Lidhjes Demokratike të Kosovës, ka deklaruar se marrëdhëniet e Kosovës me SHBA’në janë të rëndësisë ekzistenciale për ne e jo për SHBA’në, shkruan Gazeta Metro.

Kështu ka deklaruar ai në Facebook, ku ka shtuar se, për këtë arsye, duhet që të gjithë të angazhohen për të mirëmbajtur miqësinë e përhershme me SHBA’të.

Ai ka shtuar edhe se, Shtetet e Bashkuara të Amerikës janë mbështetësi kryesor i Kosovës.

Postimi i plotë:

Marrëdhëniet e Kosovës me ShBA-në janë të rëndësisë ekzistenciale — për ne, jo për ShBA-në. Prandaj duhet të angazhohemi të gjithë për të mirëmbajtur miqësinë tonë të përhershmë me ShBA-në, që është mbështetësi kryesor i Kosovës.

Për më tepër, ne ndajmë vlerat e përbashkëta si:

(1) përkushtimi për të mbrojtur liritë individuale dhe kolektive,

(2) mbrojtja dhe avancimi i demokracisë,

(3) shtypi i lirë dhe shoqëria civile dinamike që e mbikëqyrin pushtetin,

(4) ndarja e qartë e pushtetit ekzekutiv e legjislativ nga gjyqësori, si dhe

(5) ekonomia e lirë të tregut dhe konkurrenca si bazë për zhvillim dhe mirëqenie individuale e kolektive. /gazetametro.net