Loading…

Hovenier: Statusi i Kosovës nuk do të diskutohet në dialog me Serbinë

  • 26/01/2022 | 17:05

Hovenier: Statusi i Kosovës nuk do të diskutohet në dialog me Serbinë

Ambasadori i Amerikës në Kosovë, Jeff Hovenier, ka deklaruar për RTK-në se në dialogun më Serbinë nuk do të diskutohet sovraniteti dhe integriteti i Kosovës, shkruan Gazeta Metro.


Ambasadori Hovenier ka thënë se Kosova është shtet i pavarur dhe sovran, kjo mund të kundërshtohet por kështu është. Realiteti dhe faktet flasin vetë në terren.

“Kosova është shtet i pavarur. Disa njerëz mund të zgjedhin ta kundërshtojnë këtë, por kështu është. Kosova është shtet sovran. Disa njerëz mund të zgjedhin ta kundërshtojnë këtë, por kështu është. Dhe njerëzit mund të debatojnë sa të duan, por realiteti dhe faktet në terren flasin vetë”, ka deklaruar Hovenier.

Shefi i diplomacisë amerikane në Kosovë, Hovenier, ka thënë se dialogu i lehtësuar nga Bashkimi Evropian është rruga më e mirë për të arritur rezultate tek ka bërë të ditur se do mirëpres në Prishtinë të dërguarin e SHBA’së për Ballkanin Perëndimor, Gabriel Escobar.

“Përparimi në dialogun e lehtësuar nga Bashkimi Evropian vazhdon të jetë rruga më e mirë për t’u siguruar që liderët e Kosovës mund të japin rezultate për qytetarët dhe që Kosova të njihet dhe të marrë vendin e merituar si lidere botërore”, tha ambasadori Hovenier përmes një postimi në Twitter./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë