Hoxha thotë se ka edhe xhirime për rastin e Astrit Deharit

Kryeprokurori i Prokurorisë në Prizren Sylë Hoxha, duke folur në emisionin Rubikon të KTV-së, për provat dhe hetimet në rastin e Astrit Deharit ka thënë ndër tjerash se ka edhe xhirime që dëshmojnë nëse ka pasur lëvizje të njerëzve në qelinë e të ndjerit Dehari.

“Në koridorin që dërgon te dhoma ku ka qendruar i ndjeri ka pasur kamera. Ato janë konfiskuar nga policia, dhe është bërë shikimi i tyre. Xhirimet ekzistojnë dhe është shikuar nëse dikush ka hy ose ka dalë nga dhoma e të ndjerit në një perimetër kohor kur dyshohet se ka ndodhur rasti”, ka thënë Hoxha./gazetametro.net