Hoxhaj: Daçiqi zëdhënësi i regjimit të Millosheviqit

Ministri i Punëve të Jashtme, Enver Hoxhaj gjatë një takimi të ministrave të Jashtëm të Vishegradit dhe Ballkanit në Varshavë të Polonisë ka thënë se Ivica Daçiq ka qenë zëdhënësi i regjimit të Millosheviqi dhe njeriu i dytë në partinë e tij.

Sjelljen dhe diskursin e Daçiqit në raport me Kosovën dhe përpjekjet e tij për ta penguar Kosovën në forcimin e shtetësisë dhe interimit të BE-së, Hoxhaj e krahasoi atë me Sllobodan Millosheviqin.

“Është një ironi e historisë të shohësh Ivica Daçiqin duke folur për pajtim, një njeri që ka qenë zëdhënës i regjimit të Millosheviqit dhe njeriu i dytë në partinë e tij”, ka thënë Hoxhaj.

Gjithashtu ai tha se Serbia asnjëherë nuk ka marrë përgjegjjësinë e luftërave kundër Sllovenisë, Koracisë, Bosnjës dhe Kosovës.

“Serbia është përgjegjëse për katër luftëra si kundër Sllovenisë, Kroacisë, Bosnjës dhe Kosovës dhe asnjëherë nuk e ka marr përgjegjësinë. Nuk ka pajtim pa marrë përgjegjësi Beogradi”, ka thënë Hoxhaj.

Daçiq në fjalimin e tij më shumë ishte ankuar në BE-në se herë përpiqet ta trajtojë Kosovën si gjoja rast të veçantë e në anën tjetër këtu në Varshavë e trajton si shtet.

Veçmas Daçiqit i ka penguar takimi i javës së kaluar i Stabilizim Asociimit Kosovë-BE në Bruksel.