Hoxhaj kërkon raportim me dyer të mbyllura për MSA ‘në, VV braktis mbledhjen
-
03/04/2017 | 12:38
Ministri i Jashtëm, Enver Hoxhaj ka raportuar në komisionin parlamentar për Stabilizim Asociim.
Por, kërkesa e kryediplomatit kosovar që ky raportim të bëhet me dyer të mbyllura është kundërshtuar nga deputetja e Vetëvendosjes, Donika Kadaj – Bujupi, e cila më pas e ka lëshuar sallën.
“Kundërshtojmë dhe theksojmë se është kundër rregullores së Kuvendit, pasi nuk dëgjohet raportimi i tyre dhe argumenteve që anëtarët e komisionit i bëjnë”, ka thënë Bujupi.
Me këtë rast, ajo ka thënë se pushteti po fsheh shumë gjëra gjatë raportimeve.
“Më këtë qasje po shmangët çdo ballafaqim ndërmjet pozitës dhe opozitës rrjedhimit qytetarët të kuptojnë të vërtetën e kësaj qeverie”, ka thënë Bujupi, raporton KTV.
Para këtij komisioni është paralajmëruar se do të raportonte edhe ministri i Mjedisit dhe Planifikimit Hapësinor, Ferat Shala por ai nuk është paraqitur.
Fjalën e Bujupit mund ta gjeni këtu. /gazetametro.net
