Loading…

Hoxhaj për Bahtirin: Kryetari i pasur që e shndërroi Mitrovicën në komunën më të varfër

  • 19/01/2021 | 23:51

Hoxhaj për Bahtirin: Kryetari i pasur që e shndërroi Mitrovicën në komunën më të varfër

Kandidati për kryeministër nga radhët e PDK-së, Enver Hoxhaj, derisa është takuar me strukturat e partisë së tij në Mitrovicë, ka goditur edhe kryetarin aktual të kësaj komune, Agim Bahtirin, duke thënë se i ka lënë anash qytetarët ndërsa vetë është pasuruar.

Hoxhaj, përmes një statusi në Facebook, ka thënë se në Bajr dhe Kçiq të Mitrovicës, me anëtarët e PDK-së ka diskutuar për planin e Rimëkëmbjes, i cili, sipas tij, do ta nxjerrë Kosovën nga kriza në ekonomi, shëndetësi, rend dhe ligj, politikë të jashtme dhe arsim.

Ai tha se qytetarët mitrovicas u anashkaluan nga kryetari aktual i tyre i pasur që e shndërroi Mitrovicën në komunën më të varfër.

Lexoni të plotë statusin e Hoxhajt në Facebook:

Nga Bajri dhe Kçiqi, me anëtarët e PDK-së diskutova për planin e Rimëkëmbjes, i cili do ta nxjerr Kosovën nga kriza në ekonomi, shëndetësi, rend dhe ligj, politikë të jashtme e arsim, të cilat u rrënuan që nga 6 tetori i vitit 2019. Edhe qytetarët e Mitrovicës u lanë anash nga kryetari i tyre i pasur që e shndërroi këtë vend në komunën më të varfër.

Anëtarët e PDK-së, strukturat e partisë, gjithnjë kanë qenë dhe janë të vetëdijshme për sfidat e punëve e vendimeve të mëdha, si në të kaluarën ashtu edhe në të ardhmen. Kosovës i duhen njerëz të guximshëm e punëtorë!

Emrat e listës tonë, që përfaqësojnë vlera kombëtare, patriotike e demokratike, do ta rimëkëmbin vendin nga neglizhenca e keqqeverisja e vitit të fundit.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë