Hoxhaj: Rendi kushtetues u përmbys, Kosova është në anarki

Deputeti i Partisë Demokratike të Kosovës (PDK), Enver Hoxhaj, ka reaguar pas dështimit të konstituimit të Kuvendit të Kosovës brenda afatit kushtetues.

Hoxhaj e ka cilësuar situatën si një përmbysje të rendit kushtetues, duke kritikuar zhvillimet e fundit rreth konstituimit të legjislativit.

Përmes një postimi në rrjetet sociale, ai ka thënë se dita e fundit për konstituimin e Kuvendit ka kaluar pa u mbajtur seanca, ndërsa vazhdimi i saj është caktuar për sot.

Sot ishte dita e fundit për konstituimin e Kuvendit. Dyert u mbyllën dhe seancë nuk pati. Rendi kushtetues u përmbys. Kosova nuk është më demokraci dhe nga nesër jemi në anarki”, ka shkruar Hoxhaj.

Afati 30-ditor për konstituimin e Kuvendit ka përfunduar më 7 gusht, ndërsa procesi ka mbetur ende i papërfunduar.