Hoxhaj takon Kancelaren Merkel, mbështetja gjermane për Kosovën duhet të vazhdojë

Ministri i Punëve të Jashtme të Kosovës, Enver Hoxhaj ka takuar sot kancelaren gjermane, Angela Merkel.

Hoxhaj ka falënderuar kancelaren Merkel për mbështetjen e saj dhe të Gjermanisë për Kosovën, pavarësinë dhe shtetndërtimin në gjithë këto vite.

Në takimin me Merkel, Hoxhaj ka shprehur nevojën për të vazhduar përkrahjen e Gjermanisë për Kosovën dhe rajonin në këto kohë të vështira dhe të paqëndrueshme.

Hoxhaj ka theksuar se mbështetja e Gjermanisë për Kosovën ështe e rëndësisë së jashtëzakonshme, ndërsa edhe ka ftuar kancelaren Merkel që të vijë për vizitë në Kosovë.