Loading…

Hyseni: Deputetët të jenë të lirë ta shfuqizojnë Gjykatën Speciale

  • 30/06/2020 | 23:12

Hyseni: Deputetët të jenë të lirë ta shfuqizojnë Gjykatën Speciale

Nënkryetari i Partisë Socialdemokrate, Zgjim Hyseni, thotë se deputetët duhet të jenë të lirë nëse duan të shfuqizojnë Gjykatën Speciale.


Hyseni ka thënë se ka qenë parimor qysh në hapat e parë të formimit të Gjykatës Speciale. Ai ka thënë në Rtv Dukagjini se Gjykata Speciale nuk po gjykon vetëm individë por gjithë strukturën e Ushtrisë Çlirimtare të Kosovës.

Nënkryetari i PSD-së thotë se veprimi i Speciales vetëm tri ditë para një ngjarje të madhe politike tregon se është veprim politik. Hyseni thotë se Kosova duke dorëzuar drejtësinë te ndërkombëtarët po heq dorë edhe nga shtet ndërtimi.

Ai thotë se nuk është mirë që në emër të antikorrupsionit disa persona të largohen nga politika përmes Gjykatës Speciale, përcjell Telegrafi.

Nënkryetari i PSD-së thotë se më mirë për Kosovën do të ishte që OKB-ja të formojë me imponim Specialen se që e formoi vet Kosova.

“Gabim ka bërë PDK-ja dhe të gjithë që e kanë votuar Gjykatën Speciale në atë kohë. Nëse sot ka pajtim për shfuqizimin e Speciales. Atë mund ta shfuqizojë institucioni që e ka themeluar. Gjykata tashmë ka shkaktuar shumë dëme. Vetëm lajmet në mediat ndërkombëtare e kanë shkaktuar dëmin”, tha ndër të tjera Zgjim Hyseni.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë