Hyseni për ‘Marshin e Drejtësisë’: Bota ta kuptojë që t’ia mohosh drejtësinë një populli të tërë është krimi më i rëndë

Ish-kryediplomati i Kosovës, Skender Hyseni, me një postim në rrjetin social Facebook, e ka mbështetur “Marshin për Drejtësi” që do të mbahet nesër, shkruan Gazeta Metro.

Hyseni tha se në Hagë po gjykohet një popull i tërë.

Ai tha se kjo gjykatë u krijua për të hetuar pretendimet e Dick Martyt, por që doli të ishte një mashtrim dhe lojë që synon të barazojë agresionion gjenocidal serb me luftën e drejtë e çlirimtare të popullit të Kosovës për liri.

Ai tha se ky marsh nuk duhet të ndalet, pasi që sipas tij populli i Kosovës do drejtësi.

Postimi i plotë:

“Në Hagë po gjykohet një popull i tërë. Po gjykohet populli i Kosovës që bëri një luftë te pashoqe diplomatike e ushtarake për liri, pavarësi e demokraci. Pretendimet se kjo gjykatë po krijohej për të hetuar pandehmat idiotike të Dik Martit, për “trafikim organesh” doli të ishte një mashtrim dhe lojë e imponuar makabre për barazimin e agresionit gjenocidal serb mbi Kosovën dhe popullin e saj me luftën e drejtë e çlrimtare të popullit të Kosovës. Marshi pë Drejtësi nuk duhet të ndalet. Sepse, populli i Kosovës kerkon drejtësi dhe asgjë tjetër”, tha Hyseni./gazetametro.net