Ia preku live të pasmet koleges, shkarkohet drejtuesi i radios më të famshme në Australi

Një drejtues radioje rajonal në Australi është shkarkuar nga puna pasi u akuzua për ngacmim fizik ndaj një punonjëseje gjatë një ceremonie publike në Australian Audio Awards në Sydney, trasmeton Gazeta Metro

Guy Ashford, shefi i stacionit radiofonik 2HD të Newcastle, ishte në skenë në Carriageworks kur fillimisht përqafoi kolegen e tij, prezantuesen Cheralyn Darcey, e më pas e preku në mënyrë të papërshtatshme të pasmet e saj në prani të publikut.

Ngjarja ndodhi gjatë momentit të marrjes së çmimit nga Darcey, e cila u vlerësua si “Ardhmëtarja më e mirë e re në radio”, ndërsa gjithçka u zhvillua para një audience live, siç shkruan Daily Mail.

Sipas raportimeve, reagimet në sallë ishin të menjëhershme, me disa prezantues që e cilësuan situatën të papërshtatshme dhe të sikletshme.

“Ai shpirt radioje është ende gjallë dhe mirë”, u dëgjua të thuhej nga skena, menjëherë pas incidentit, duke shtuar edhe më shumë debat rreth ngjarjes.

Menjëherë pas rastit, drejtuesi i Super Radio Network, Graham Mott, konfirmoi se Ashford ishte shkarkuar nga detyra.

“Ai është pezulluar dhe kontrata i është ndërprerë pas incidentit. I kemi kërkuar falje znj. Darcey dhe bashkëshortit të saj”, tha Mott.

Cheralyn Darcey nuk e ka komentuar drejtpërdrejt ngjarjen, por ka ndarë momente nga ceremonia në rrjete sociale, duke falënderuar kolegët dhe dëgjuesit për mbështetjen./gazetametro.net