Loading…

Ibrahimovic: Ronaldo është më i mirë në histori, Messi më i mirë se Cristiano

  • 02/12/2021 | 13:32

Ibrahimovic: Ronaldo është më i mirë në histori, Messi më i mirë se Cristiano

Zlatan Ibrahimovic thotë se as Lionel Messi e as Cristiano Ronaldo, por Ronaldo Nazario është lojtari më i mirë në histori.


Sulmuesi i Milanit, Zlatan Ibrahimovic, ka këmbëngulur se legjenda brazilian Ronaldo Nazario është futbollisti më i mirë në historinë e futbollit dhe se Lionel Messi është më i mirë se Cristiano Ronaldo.

Messi dhe Ronaldo e kanë mbizotëruar dukshëm futbollin modern në 15 vitet e fundit, duke shënuar gola të panumërt dhe duke fituar gjithçka që mund të fitohet.

Messi e fitoi Topin e Artë për herë të shtatë rekorde të hënën, pas një viti tjetër të suksesshëm, derisa Ronaldo i ka pesë, që nënkupton se argjentinasi është tani i pakapshëm.

Megjithatë, derisa Ibrahimovic beson se Messi është më i mirë se Ronaldo, ai nuk mendon se argjentinasi është më i miri në histori.

Kur iu kërkua të zgjidhte mes Messit dhe Ronaldos, 40-vjeçari tha për Corriere della Sera: “Të dy janë shumë të fortë. Unë them Messi edhe për faktin se kemi luajtur bashkë”.

I pyetur se kush është më i miri në histori, Ibrahimovici pa ngurruar e zgjodhi Ronaldon, ish-sulmuesin e Interit dhe Real Madridit.

“Ronaldo ‘Fenomeni’. Si fëmijë e imitoja atë”, theksoi Ibra.

Gjatë karrierës së tij të shkëlqyer, Ronaldo e fitoi dy herë Kupën e Botës me Brazilin, si dhe dy herë Topin e Artë.

Ai i shënoi 414 gola në një karrierë të frenuar dukshëm nga lëndimet e rënda në gju.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë