Loading…

IKD: 29 kandidatë për deputetë në telashe me certifikim, janë të dënuar në tri vitet e fundit

  • 17/01/2021 | 08:08

IKD: 29 kandidatë për deputetë në telashe me certifikim, janë të dënuar në tri vitet e fundit

Ekipi i monitoruesve dhe hulumtuesve të Institutit të Kosovës për Drejtësi (IKD) ka hulumtuar mbi integritetin e kandidatëve të partive politike për deputetë në zgjedhjet e parakohshme parlamentare të 14 shkurtit.


Sipas IKD- së, më së shumti kandidatë me aktakuza aktive ka Lëvizja Vetëvendosje e cila po synon t’i fitojë këto zgjedhje bashkë me ndihmën e Vjosa Osmanit.

Prej kësaj partie janë 12 deputetë me aktakuzë aktive, 2 prej të cilëve janë të dënuar. Në këtë listë janë të pranishëm figura të njohura të VV- së, mes tyre edhe kreu, Albin Kurti.

Përveç Albin Kurtit, aktakuzë aktive kanë edhe Glauk Konjufca, Albulena Haxhiu, Arbërie Nagavci, Mimoza Kusari- Lila, Xhelal Sveçla, Fitore Pacolli, Valon Ramadani, Jetmire Vrenezi, Drita Millaku, Ekrem Mustafa e Sali Zyba.

Kandidatë me aktakuza aktive në listën zgjedhore për zgjedhjet e 14 shkurtit ka edhe Aleanca për Ardhmërinë e Kosovës.

Në AAK janë 8 kandidatë për deputetë me aktakuza.

Time Kadrijaj, Pal Lekaj, Teuta Haxhiu, Haxhi Shala, Meliza Haradinaj- Stublla, Shkumbin Demaliaj, Gani Dreshaj e Rrustem Berisha janë kandidatët për deputetë të AAK- së që kanë aktakuza.

Ndërsa Partia Demokratike e Kosovës i ka 6 kandidatë me aktakuza.

Sadik Halitjaha, Xhavit Haliti, Kujtim Gashi, Ramë Vataj, Lulzim Abazi dhe Bajrush Xhemajli janë kandidatët nga radhët e PDK- së që kanë aktakuza.

Nga Lista Serbe janë dy kandidatë për deputetë me aktakuza. E ata deputetë janë Milan Aritnovic dhe Ivan Todosijevic.

Ndërsa nga Lidhja Demokratike e Kosovës është vetëm një kandidat me aktakuzë. Ai është Sali Asllanaj.

Gjykata Kushtetuese kur e rrëzoi qeverinë Hoti, pati efekt më të gjerë.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë