Loading…

Iliri flet për raportin me Sabianin: Kur fillon abuzohet me miqësinë, nuk është më miqësi

  • 28/09/2022 | 12:05

Iliri flet për raportin me Sabianin: Kur fillon abuzohet me miqësinë, nuk është më miqësi

Në një intervistë për emisionin “ABC-ja e pasdites”, Ilir Shaqiri u pyet edhe një herë për marrëdhënien e tij me Sabianin. Pas daljes nga BBVIP, u përfol për një krisje të miqësisë së fortë të krijuar brenda shtëpisë, ndërsa tani duket se mes të dyve nuk ka më asnjë lloj raporti.


“Me Sabin nuk kemi raport. Secili ka jetën e vetë… ndoshta kjo edhe sa u përket gjërave që u thanë dhe që u bënë. Nuk kemi komunikim,” -sqaroi Iliri.

Më tej ai shtoi se ka një lloj keqardhjeje për mënyrën si rrodhën gjërat.

“Ka një çudi, ka dhe një lloj keqardhjeje, nuk mund ta mohoj, sepse si unë, si Sabi i besuam diçka njëri-tjetrit dhe ajo diçka aty brenda mori një vlerë shumë të madhe. Për këtë ka më shumë keqardhje, sepse u transmetua një mesazh miqësie shumë i lartë, me shumë vlera, sepse realisht mendoj që nuk ka gjë më të bukur se miqësia. Por ama kur fillon abuzohet me miqësinë, kjo pastaj nuk është më miqësi”, tha ai.

I pyetur nëse Sabianin e ka zëvendësuar me Ermal Mamaqin, me të cilin është edhe në juri në Dance Albania, Iliri u përgjigj:

“Nuk ka punë zëvendësimesh në një miqësi. Mendoj se kanë vlera si miqësitë e vjetra, edhe ato të reja. Kështu që çdo njeri dhe çdo mik në zemrën e dikujt, ka vendin që i përket. Me Ermalin njihem që në vitin 2010, kur bashkë me Amin prezantonin Dancing With The Stars. Që atëherë është krijuar një lloj miqësie që koha tregoi se ka baza. Jo të gjitha miqësitë u mbijetojnë furtunave.

Iliri preku pak edhe temën e pjesëmarrjes në “Isola Dei Famosi”, për të cilin tha se ishte pjesë e casting, por duke qenë se BBVIP u shty me një muaj, programi në Itali filloi dhe e pati të pamundur pjesëmarrjen atje.

Rekomandime
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë