Loading…

Imri Ahmeti flet për 400 kilogramët kokainë të konfiskuara në Lipjan, akuzon edhe shtetin e Kosovës

  • 06/06/2021 | 08:12

Imri Ahmeti flet për 400 kilogramët kokainë të konfiskuara në Lipjan, akuzon edhe shtetin e Kosovës

Kryetari i Lipjanit, Imri Ahmeti ka reaguar ashpër për konfiskimin e 400 kilogramëve drogë në komunën e Lipjanit.


Ahmeti ka thënë se droga do duhej të ndalej në doganë e jo në Lipjan.

“Nuk jam ndjerë mirë, është shndërruar në batutë [rasti i kapjes së 400 kilogramëve të kokainës]. Por, a thua a nuk ka mundur të ndalet në doganë të Kosovës ose Shqipërisë. Të gjitha informacionet flasin se shërbimet e kanë përcjellë, dhe kanë mund me e ndalë, kanë pasë mundësi mos me e leju fare me ardhë. Se cila ka qenë prapaskena nuk e kam idenë, por unë mendoj se qytetarët ë Lipjanit nuk duhet të fajësohen e as të etiketohen, as me batuta, është diçka jashtë dëshirës, dhe vullnetit të qytetarëve”, tha Ahmeti në Kanal10.

Ndryshe, Gjykata Themelore e Prishtinës iu ka caktuar 30 ditë paraburgim shtatë personave që dyshohet se janë të përfshirë në rastin e trafikimit të 400 kilogramëve kokainë.

Një sasi prej 400 kg kokainë kishte hyrë përmes pikës kufitare Vërmicë e në Kosovë.

Kjo sasi e cila ishte e fshehur brenda një kamioni me mish, që po transportohej nga Brazili, ishte ndalur në hyrje të Komunës së Lipjanit.

Në hetimin e rastit të kokainës kanë bashkëpunuar ngushtë Policia e Italisë, ajo e Shqipërisë, Policia e Kosovës, Prokuroria Speciale në Kosovë, Sektori i Posaçëm i hetimit të Krimit dhe Korrupsionit në Shqipëri.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë