Loading…

Infermieri i dorëzon Konjufcës kërkesën për rritje të pagesës së ndërrimeve të natës

  • 11/05/2021 | 09:21

Infermieri i dorëzon Konjufcës kërkesën për rritje të pagesës së ndërrimeve të natës

Infermieri Enlirat Duraku në ditën e 14 të grevës së urisë dhe ditën e 4-të të asaj të etjes 4, ka dorëzuar kërkesat për rritje të pagesës së ndërrimeve të natës për infermier dhe të tjera.


Kërkesën e parë e dorëzoi tek kryeparlamentari Glauk Konjufca, tek Komisioni për Shëndetësi, për të vazhduar më pas në Qeveri.

Ai në një konferencë për media bëri të ditur se do të vazhdojë grevën e tij deri në përmbushje të kërkesave, edhe nëqoftëse do t’i kushtoj me fatalitet.

“Kërkesat e infermierëve janë refuzuar nga të gjitha institucionet edhe pse i kemi dorëzuar me kohë. Sot unë edhe fizikisht kam dorëzuar kërkesën për rritjen e pagesës së ndërrimeve të natës, pagesën e rrezikshmërisë në punë, pagesën e punës gjatë fundjavës dhe atë të orëve shtesë. Unë nuk kërkoj nënshtrim nga shteti, por kërkoj që të vlerësohet puna dhe sakrifica e infermierëve. Grevën nuk do ta ndali deri në realizim të kërkesave edhe po të ketë pasoja fatale personalisht për mua fizikisht”, u shpreh ai.

Ai me këtë rast i ftoi edhe njëherë kolegët e tij që t’i bashkohen në grevë, pa lënë anash punën e tyre humane prej infermieri.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë