Loading…
Interpreton Dacici: “Kosova nuk është pranuar si shtet në Frankofoni”
  • 11/10/2018 | 19:38

Interpreton Dacici: “Kosova nuk është pranuar si shtet në Frankofoni”

Kosova nuk është pranuar si shtet në Frankofoni sipas ministrit të punëve të jashtme të Serbisë, Ivica Dacic, sipas të cilit në këtë organizatë pranohen edhe regjionet.

“Statusin e anëtarit të asociuar praktikisht e fitojnë të gjithë ata të cilët shprehin një dëshirë të tillë, edhe shtetet edhe regjionet. Me rastin e kërkesës së Kosovës, 13 vende anëtare të përhershme kanë paraqitur një deklaratë, me të cilën thuhet se pse Kosova e ka fituar statusin e anëtarit të asociuar nukdo të thotë se e njohin Kosovën si shtet dhe se qëndtrimi i tyre për Kosovën mbetet i pandryshuar”, ka thënë Dacic sipas medieve serbe.

Dacic ka thënë se edhe këtë tubim e ka shfrytëzuar për takime bilaterale me një varg temash, ndër to edhe ajo e Kosovës, transmeton gazetametro.net.

“Kemi mirëkuptim të madh nga ato shtete për pozicionin e Serbisë. Duke pasur parasysh se një numër i madh syresh në periudhën prej 10 vitesh e kanë njohur Kosovën, me to bisedojmë që ta tërheqin njohjen dhe bisedimet janë shumë të suskseshme”, ka thënë Dacic, i cili pret që numri i shteteve të cilat e kanë njohur Kosovën të bjerë nën njëqind.

Sot, siç kanë njoftuar mediet tona, Kosova është pranuar me statusin e anëtarit të asocuar në këtë organizatë.
Presidenti i Kosovës, Hashim Thaçi ka thënë se ky është lajmi i mirë i radhës për Kosovën.

“Lajmi i mirë i radhës për Kosovën vjen nga Armenia. Nga vëzhguese, Kosova u bë anëtare e asociuar e Organizatës Ndërkombëtare të Frankofonisë. U jemi mirënjohës shteteve anëtare për afirmimin e Kosovës në familjen frankofone dhe për mbështetjen e vazhdueshme të tyre”, ka thënë Thaçi./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë