Loading…

Investimet e diasporës, më së shumti për blerje të banesave

  • 04/01/2022 | 20:29

Investimet e diasporës, më së shumti për blerje të banesave

Mërgimtarët e kanë lëshuar dorën për blerje të patundshmërive. Vetëm në periudhën janar-shtator të vitit të kaluar, janë shpenzuar 265 milionë euro investime të huaja direkte në këtë sektor.


Blerja e banesave, shtëpive e tokave përbënë 68 për qind nga gjithsej 389 milionë eurove të investimeve nga jashtë. Kurse 87 milionë euro janë investuar në shërbime financiare.

Investimi i huaj në patundshmëri është rritur për 106 për qind nga viti paraprak. Sipas Petrit Kastratit nga Topia Real Estate, në rritjen e këtij trendi ndikoi periudha e post-izolimit pandemik. Ky thotë se gjatë 2020-ës, shumë mërgimtarë nuk patën mundësi të vinin në Kosovë, dhe kjo ka ndikuar që kërkesa të rritet një vit më vonë, njofton Klankosova.tv

Për profesoreshën Kosovare Ukshini, ky lloj investimi nuk sjell fort fryte në ekonominë e vendit, pasi e rritë numrin e punëtorëve, por nuk ndikon në vlerën e shtuar për të cilën më së shumti ka nevojë Kosova.

Sipas saj, investimet e huaja direkte duhet të orientohen në turizëm, industri e sektorë tjerë të rëndësishëm.

Përveç shtimit të shitblerjeve, patundshmëria ka shënuar edhe rritje të çmimeve kohëve të fundit, si pasojë e pandemisë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë