Loading…
Investitorë nga Danimarka interesohen për fabrikë duhani në Skenderaj
  • 14/04/2019 | 19:17

Investitorë nga Danimarka interesohen për fabrikë duhani në Skenderaj

Kryetari i Komunës së Skenderajt, Bekim Jashari, ka pritur sot investitorët e huaj, Bjerne Christensen dhe Klaus Jakobsen nga Danimarka, si dhe biznesmenin shqiptar, Naim Kadishani, ku temë e diskutimit ishte ndërtimi i fabrikës së duhanit, projekt në vlerë rreth 7 milionë euro, ndërsa numri i punëtorëve llogaritet të jetë nga 2.500 deri 3.000.

Lajmin e ka bërë të ditur Komuna e Skenderajt, nëpërmjet një njoftimi.

Jashari, siç bën të ditur njoftimi, i ka shoqëruar në Kryshec, afër pishinës, ku Komuna planifikon t’i ndajë tokë, meqë është në pronësi të saj, prej 3.5 hektarë, për ndërtimin e fabrikës, e cila gjithashtu do të ketë në shfrytëzim tokën për mbjellje të duhanit.

Gjatë diskutimit me investitorët, Jashari ka premtuar siguri të plotë për realizimin e këtij projekti milionësh, duke theksuar se është në interes të qytetarëve ndërtimi i fabrikës, pasi do të punësohej një numër i madh punëtorësh, thekson njoftimi.

Investitorët nga ana e tyre kanë treguar interesim të investojnë në Skenderaj, dhe janë befasuar me kushtet e ofruara për investime, si dhe tokën e cila planifikohet t’i jepet në shfrytëzim sipas legjislacionit në fuqi, thuhet në njoftimin për media të Komunës së Skenderajt.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë